कोरोना महामारीच्या पहिल्या व दुसऱ्या लाटेमध्ये डॉ. सौ. अंशु मुळे, डॉ. महेश मुळे व युगंधर महेश मुळे यांनी सामाजिक जाणीवेच्या भावनेतून वैद्यकीय व सामाजिक क्षेत्रात केलेले उल्लेखनीय कार्य

● अहमदनगर जिल्ह्यातील सरकार मान्य पहिले कोविड रुग्णालय बूथ हॉस्पिटल येथे 6800 कोरोना बाधित रुग्णांवर यशस्वी आयुर्वेदिक उपचार केले. औषधांबरोबरच रुग्णांचे मनोबल उत्तम राहावे यासाठी त्यांनी वेळोवेळी रुग्णांचे समुपदेशन केले. त्याच वेळी त्यांचा आहार उत्तम असावा या दृष्टीने त्यांनी समाजातील दानशूर व्यक्तींच्या सहाय्याने रुग्णांना त्या ठिकाणी आरोग्यपूर्ण आहार मोफत दिला. या सर्वाचा एकत्रित परिणाम म्हणून या हॉस्पिटलमध्ये रुग्ण उत्तम प्रकारे बरे होण्याचे प्रमाण खूप उल्लेखनीय होते.
● नगर शहर व जिल्ह्यातील अनेक कोविड सेंटर व अनेक नामवंत हॉस्पिटलमध्ये जाऊन डॉ. सौ. अंशु मुळे व डॉ. महेश मुळे यांनी आयसीयू मध्ये कोरोना बाधित अतिशय गंभीर अवस्थेतील रुग्णांवर आयुर्वेदिक उपचार केले. आयुर्वेदशास्त्र इमर्जन्सी मध्ये देखील व गंभीर अवस्थेमध्ये देखील किती लाभदायी ठरते याचा प्रत्यय या निमित्याने रुग्णांना व नातेवाईकांना
आला .उत्तम दर्जाची व अनुभवी आयुर्वेद तज्ञांकडून घेतलेली आयुर्वेदाची योग्य व शास्त्रीय उपचार पद्धती गंभीर अवस्थेमध्ये देखील किती लाभदायी होते या निमित्याने नागरिकांना समजून आले.
● या काळात नागरिकांना कोरोना होऊ नये म्हणून अहमदनगर शहरातील व जिल्ह्यातील अनेक प्रतिबंधित क्षेत्रांमध्ये Containment Zone जाऊन त्यांनी गुडूची घनवटी, आयुष काढा व अणूतेल या करोना प्रतिबंधात्मक आयुर्वेदिक औषधांचे मोफत वाटप केले व नागरिकांचे मनोबल उत्तम राहावे यासाठी त्यांचे सकारात्मक प्रबोधन केले. नंतर झालेल्या survey मधून या औषधांचा लाखो नागरिकांना खूप सकारात्मक फायदा झाल्याचे दिसून आले.
● कोरोना महामारीच्या काळात सर्व कामे थांबल्याने अनेक कुटुंबांवर उपासमारीची वेळ आली होती. अशावेळी श्री कमला आयुर्वेद हॉस्पिटलच्या वतीने 600 गरीब कुटुंबांना पंधरा दिवस पुरेल एवढ्या किराण्याचे वाटप करण्यात आले.
● या कठीण काळामध्ये कित्येक जणांना एक वेळचे अन्न मिळणे देखील मुश्किल झाले होते. अशावेळी सामाजिक बांधिलकीची जाणीव ठेवून डॉ. सौ. अंशु मुळे, युगंधर मुळे व डॉ. महेश मुळे यांनी लालटाकी सेवा संघ या संस्थेच्या माध्यमातून अहमदनगर शहर परिसरातील 50 हजार लोकांना रोज ताजे व गरम भाजीपोळी, पुलाव, पुरीभाजी अशा पद्धतीचे ताज्या अन्नाचे वाटप या संस्थेच्या सदस्यांच्या मदतीने घरोघरी जाऊन केले.
या काळात आपल्याला कोरोना होईल या भीतीने कोणीही एकमेकांकडे जाण्याचे टाळत होते अशा कठीण परिस्थितीमध्ये मुळे कुटुंबीयांनी स्वतःच्या जीवावर उदार होऊन, लोकांच्या घरोघरी जाऊन त्यांना कोरोना प्रतिबंधात्मक आयुर्वेदिक औषधे, ताजे अन्न, किराणा व जीवनावश्यक वस्तूंचे वाटप केले.
● या काळात वैद्यकीय उपचार करणाऱ्या सर्व डॉक्टरांसहित इतर नर्स, वॉर्ड बॉय व हॉस्पिटल मधील इतर कर्मचारी यांचे जीवन देखील धोक्यात आलेले होते. अशावेळी त्यांना कोरोना होऊ नये म्हणून या परिवाराचे वतीने कोरोना प्रतिबंधात्मक आयुर्वेदिक औषधांचे वाटप मोफत करण्यात आले.
●या महामारीच्या काळात मृत्यूचे प्रमाण प्रचंड होते. त्यामुळे या मृतदेहांवर अंत्यसंस्कार करण्याची मोठी जबाबदारी स्मशानभूमीतील कर्मचाऱ्यांवर आली होती. इतका मोठा ताण या यंत्रणेवर आल्यामुळे येथील कर्मचारी देखील कोरोना बाधित होऊ लागले होते व त्यामुळे त्यांच्या कुटुंबीयांना धोका निर्माण झाला होता .याची गांभीर्याने दखल घेऊन डॉक्टर मुळे कुटुंबीयांच्या वतीने स्मशानभूमीतील सर्व कर्मचाऱ्यांना कोरोना प्रतिबंधात्मक आयुर्वेदिक औषधांचे मोफत वाटप करण्यात आले व त्याचे अतिशय सकारात्मक परिणाम दिसून आले.
● कोरोनाच्या पहिल्या लाटेमध्ये सर्वच बाबतीत अज्ञान असल्यामुळे अनेक लोक प्रचंड घाबरून गेले होते अशावेळी परप्रांतातील कामगारांनी आपल्या मूळ गावाकडे परत जाण्याचा मार्ग निवडला होता परंतु त्या काळात कुठलेही वाहने त्यांच्यासाठी उपलब्ध नव्हते. अशावेळी हे कामगार आपल्या लहान मुला बाळांसहित पायी चालत आपल्या मूळ गावाकडे जात होते. त्यावेळी त्यांच्या अन्न पाण्याचा व आरोग्याचा गंभीर प्रश्न निर्माण झाला होता. अशावेळी अहमदनगर येथील स्नेहालय व इतर सामाजिक संस्थांच्या वतीने मिशन राहत हा उपक्रम राबवण्यात आला. या उपक्रमा अंतर्गत या कामगारांना अन्न, पाणी, औषधे, जीवनावश्यक वस्तू ,कपडे यांचे मोफत वाटप करण्यात आले. 25 दिवस चाललेल्या या संपूर्ण उपक्रमामध्ये डॉक्टर मुळे कुटुंबीयांचा आर्थिक मदत व दिवस-रात्र प्रत्यक्ष प्रोजेक्टवर थांबून गरजवंतांची मदत अशा दोन्ही पद्धतीने सक्रिय सहभाग होता.
● कोरोना महामारीच्या पहिल्या लाटेमध्ये सर्वत्र अज्ञान व गैरसमजाचे वातावरण पसरलेले होते. त्यामुळे नक्की काय करावे व काय करू नये हे कोणालाच काहीही समजत नव्हते. अशावेळी नागरिकांचे मनोबल उत्तम ठेवणे व त्यांना आपले आरोग्य आपले प्राचीन वैद्यक आयुर्वेदाच्या मदतीने कसे उत्तम ठेवावे यासंदर्भामध्ये डॉ.सौ. अंशु मुळे व डॉ. महेश मुळे यांनी आकाशवाणी, विविध रेडिओ व टीव्ही चॅनल्स, ऑनलाइन पद्धतीने ,अनेक ठिकाणी प्रत्यक्ष जाऊन, ग्रामसभांच्या माध्यमातून नागरिकांचे सकारात्मक प्रबोधन केले. या प्रबोधनामुळे नागरिकांचे मनोबल निश्चितपणे उंचावले गेले. त्यांच्यातील गैरसमज दूर झाले व आयुर्वेदाच्या मदतीने नागरिकांचे शारीरिक व मानसिक आरोग्य उत्तम राहून अनेक नागरिक स्वतःला कोरोना होण्यापासून व ज्यांना कोरोना झाला आहे ते त्यावर मात करून यशस्वीपणे बरे झाले