Hair Fall Treatments | केसगळतीवर उपचार

केस गळण्याची वेगवेगळी कारणे आहेत .आत्ताची बदलती जीवनशैली ज्यामध्ये रात्री जागरण करायचे दिवसा झोपायचे. व्यायाम करायचा नाही किंवा अति व्यायाम करायचा.मसालेदार पदार्थ, साउथ इंडियन पदार्थ ,चायनीज पदार्थ, बेकरी उत्पादने, मल्टिपल प्रोसेस फुड, शिळे अन्न , पॅक फुड,भूक लागलेली असताना न जेवणे आणि भूक नसताना खाणे, पहिले अन्न पचायच्या आधीच पुढचे अन्न खाणे. पोट साफ न होणे .ऍसिडिटी, खूप चिडचिड करणे, अति शारीरिक कष्ट. मानसिक ताण. या कारणांमुळे शरीरातील वात ,पित्त आणि कफ तिन्ही दोषांचा प्रकोप होतो,प्रकोपित झालेले हे दोष रक्ता वाटे डोक्याकडे जातात. हे रक्त केसांच्या मुळाचे पोषण न करता ती मुळे ढिली करतात, कमजोर करतात कालांतराने केस गळू लागतात. केसांचे नीट पोषण न झाल्यामुळे नवीन येणाऱ्या केसांची जाडी कमी होते ते हातात घेतले तर सहज तुटू शकतात, केस कोरडे होतात.

खूप दिवसांपासून तुमच्या डोक्यात कोंडा असेल तर तो कदाचित Scalp Psoriasis या बरे होण्यासाठी अतिशय त्रासदायक आजाराचे सुरुवातीचे लक्षण असू शकते. त्यामुळे दुर्लक्ष न करता तत्काळ डॉक्टरांना दाखवून खात्री करा. मानसिक ताण तणावाचा थेट परिणाम केस गळण्यावर होतो. सततच्या मानसिक ताणा मुळे पित्त प्रकोप होतो त्यामुळे रक्तदृष्टी होते त्यामुळे केस गळणे ,पांढरे होणे सुरू होते .ही समस्या बुद्धिजीवी वर्गामध्ये मोठ्या प्रमाणात दिसते. स्त्री-पुरुषांमधील तंबाखू, मिश्री, सिगारेट, दारू, गुटखा इत्यादी व्यसनांमुळे रक्तदृष्टी होऊन केस गळणे , लवकर पांढरे होणे सुरू होते.