पंचकर्म

पंचकर्म हा आयुर्वेदिक ट्रीटमेंटचा गाभा आहे it’s core treatment of Ayurvedic treatment. Panchakarma detoxify body deeply upto cell level. पंचकर्माद्वारे शरीराची शुद्धी केल्यामुळे नंतर दिली जाणारी औषधे खूप लवकर आणि चांगली काम करतात. पंचकर्म ट्रीटमेंट योग्य व शास्त्रीय पद्धतीने केली गेली नाही तर त्याचे दुष्परिणाम सुद्धा शरीरावर होतात म्हणून आयुर्वेदातील तज्ञ डॉक्टर कडूनच पंचकर्मे करून घ्यावीत.
पंचकर्म या शब्दातच पाच कर्म सांगितले आहेत . यात वेगवेगळ्या मार्गाने शरीरातील दोष शरीराबाहेर काढून टाकले जातात. आयुर्वेदानुसार शरीरामध्ये वात, पित्त, कफ हे तीन दोष असतात. हे जेव्हा योग्य प्रमाणामध्ये असतात तेव्हा शरीराचे सर्व व्यापार व्यवस्थित चालतात पण यांचे प्रमाण कमी जास्त झाले की शरीरामध्ये वेगवेगळ्या प्रकारचे आजार निर्माण होत असतात .आपण रोज घेतलेल्या आहारामधून हे तीन दोष तयार होत असतात. ते पचनसंस्थेतील तीन वेगवेगळ्या अवयवांमध्ये तयार होत असतात ,जसे आमाशयात कफ, लघ्वंतरात पित्त, आणि पक्वाशयात वात तयार होतो. हे दोष प्रमाणापेक्षा जास्त तयार झाले असतील तर त्या त्या ठिकाणातून काढून टाकण्यासाठी पंचकर्म केले जाते .हे दोष बाहेर निघून गेले नाहीत तर ते संपूर्ण शरीरामध्ये पसरून वेगवेगळे आजार निर्माण करतात. पंचकर्म ही ताबडतोब रिझल्ट देणारी चिकित्सा आहे .दोष शरीराबाहेर निघून गेल्यामुळे शरीर दीर्घकाळ निरोगी राहण्यास मदत होते .
दुष्ट कफामुळे वेगवेगळे आजार होतात जसे दमा ,वारंवार होणारी सर्दी, थायरॉईडचे आजार, पीसीओडी, हृदयासंदर्भातील आजार ,काही मानसिक विकृती यामध्ये वमनाद्वारे म्हणजे उलटी द्वारे दोष बाहेर काढले जातात.
दुष्ट पित्तामुळे होणारे वेगवेगळे आजार जसे अर्धशिशी, आम्लपित्त, त्वचेचे वेगवेगळे आजार यात विरेचनाद्वारे म्हणजे जुलाबाच्या औषधाने शरीरातील दोष बाहेर काढले जातात .
वात खूप प्रमाणामध्ये वाढला असेल त्यामुळे सांधेदुखी ,वारंवार होणारे गर्भपात, गर्भधारणा न होणे, वंध्यत्व मुळव्याध ,दीर्घकालीन मलावष्टंभ अशा आजारांमध्ये बस्तीद्वारे म्हणजे संडासच्या जागेतून औषधे मोठ्या आतड्यामध्ये सोडली जातात.
मानेच्या वर असणाऱ्या अवयवांमध्ये असलेले दोष बाहेर काढून टाकण्यासाठी नस्य ही ट्रीटमेंट दिली जाते, ज्यामध्ये नाकाद्वारे औषधे सोडले जातात.
रक्तमोक्षन यामध्ये त्वचेच्या आश्रयाने रक्तामध्ये जे दोषअसतात ते बाहेर काढले जातात. यामध्ये सावकाश गतीने सुईच्या सहाय्याने, जलौका यांच्या मदतीने प्रत्यक्ष रक्त शरीराबाहेर काढले जाते